Seetoneel
Stil seemeeue swiep skeef
oor boeg van vissersboot
soos soutbelaai sproei kleef
aan maste reeds erg verweer
Drie Dolfyne hoepeldans
op ritmiese riffelgolwe
terwyl ou oom anemoon
als stom staan gadeslaan
Tjokka en sardientjiegeur
vul die dek se atmosfeer
Skipper se bytels glinster blink
in goudstof van die oggendson
So sal die skip steeds skoppelmaai
al maak storms ‘n Kaapse draai
Seeman en Skipper sorge oorboord
want hul pak oseaan met Skepper Woord
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
6 Kommentare
-
-
Evelyn van der Merwe
Dalk omdat dit juis so magies is. Dankie vir die inloer.
-
-
neels claasen
Evenly se pen skryf een treffend na die ander
-
Evelyn van der Merwe
Dankie Neels, ek waardeer opreg.
-
-
Amaspoke
Jy skep pragtige beelde met die pen. Hier is nog een van daardie treffers!!!
-
Evelyn van der Merwe
Dankie vir jou getroue inloer, dit gaan nie ongesiens verby nie.
-
Maak 'n opvolg-bydrae
Jy moet aangemeld wees om 'n kommentaar te plaas.
borrels
Ai, ek hou baie van die see :-)