prins van my midsomerdroom

Daar was ‘n liefde
binne my,
maar
dit was ‘n liefde
binne my
en you just happened
to be there
soos Bottom
of ‘n boom –

die objek van my affeksie –
ver en gefikseer
in ‘n poel en omgekeer.

Toe ek wegdraai
was jy skyn,
‘n koggel-rimpelbeeld,
‘n droom.

Ek moes bly swerf
en skryn
na ‘n egte tak,
na meer as die refleksie
van‘n luggespieëlde skerf

om my hart aan vas te haak.

© Charleine Collins 19 Februarie 2019