Raponsie (silwer)

Jy en ek
is vuur en ys
jy, die dromer
ek, die realis
my swart, jou wit
jou warm, my koud

tog, vir ‘n enkel oomblik
wou ek graag jou prinses wees
my hare hang
oor my kasteel se hoë muur
jou toelaat
om die granaatpitrooi
van my hart
te proe

my weg te voer
na jou lekkerland
waar liefde soet is soos borssuiker
en seerkry ‘n nerf-af knie …

©️Elize Kruger 2021

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag