ratdraaier (silwer)
ratdraaier
daar agter die mikrofoon
is hy gemaklik en selfvoldaan
skoene blink en klere nommerpas
oortuigend en innemend
drup heuningwoorde van sy lippe af
gekultiveerd en geleerd
geliefd en geëerd
hulle luister
en glo
sy beloftes van werk
’n makliker bestaan
en groei
van hulp en uitkoms
handevat en opstaan
geregtigheid en gelykheid
die nasie vat vlam
hulle brand van trots
en samehorigheid
met hande op hulle harte
en trane in hulle oë
sal hulle aanhou glo
dan stap hy weg
daardie man
’n ratdraaier
so netjies uitgevat
maar hy is maar net nog
’n bullebak in ’n snyerspak
© Hester Steenkamp
3 Kommentare
-
Koos Elsum
Hou & glo in die gedig ongeag waar in die werêld is dit maar so, waarom bly die mense glo? Wil net bullebak verwag met iets meer “skelm” soos bv boereverneuker ?
-
Hester Steenkamp
Baie dankie. Ja, ek dink mense bly glo, want dit gee hoop. Hulle is desperaat. Iets is mos beter as niks.
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die April 2023 KLUG projek