Realiteit

Is als wat ek voel steeds ‘n illusie,
Kinderlike en blindelikse ambisie?
Ek weet almal dink ek droom oor jou
en jou perfeksie
maar steeds is jy daar.
Jy stel my hart in gevaar.

Dalk is ek maar net ‘n dromer
in die winter wat smag na die somer,
Dalk is ek slegs ‘n psigopaat
wat in stilte bid vir ‘n maat.

Ek sien jou in alledaagse verkeer,
Al die gesigte lyk soos jy
Selfs in my drome sien ek
hoe jy my bevry.

My fantasie ontbind voor my oë
jy is bo als vertoë
Net jy .

God is ‘n kulkunstenaar
wat my lustigheid
met realiteit bewaar.

-I Kriel