Sandloper (brons)

kersfees ligte
flikker nog in
Julie maand

rooi en blou
en groen
tart Desember
se nag kapsule

opsiersels vergaar
nou stof
helder kleure is
vaal gekyk

op onvoldoende
bewyse word
die dief blameer

wat klippe van
‘n straatkat se
graf af gesteel
het

bloeddorstig word
bystanders ongemaklik
gemank
soos gister se witleuns

wat saggies tik
op gewete se geswete
skouer

die wit hasie is nou
gebreek en al wat
nou vertroetel word
is splinters onder
die vel

só skyn ‘n bleeklamp
op volgende jaar
se amber oog

jaarend is weer
amper hier en die
uurglas aan’tloop
uur-na-uur-na-uur

©Louw-Marie Sauerman 2024

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag