September 2021 – Positiwiteits projek
Beste INKers
Ons is op die drumpel van lente, alhoewel dit op sekere plekke in die land nie werklik so voel nie.
Hierdie maand se projek het nie ‘n spesifieke tema nie.
Ek wil almal tog versoek om die toon van jul inskrywings só te kies dat die wonder van belofte, groei en die lente besing word. Kom ons weerhou onsself van die depressie van ‘n virus en die klaagliedere wat hierdie pandemie, en sy gevolge, vir ons gebring het.
Alle afdelings van die projek het dus een opdrag: Positiwiteit.
Geen verdere reëls of voorskrifte is van toepassing nie.
Skryf in Afrikaans; dit is die gaafste ding wat jy vandag sal doen.
Gebruik die geleentheid om jou eie stempel op jou werk af te druk.
Skryf heerlik in Afrikaans.
Skryfgroete
Projekbestuurder
*Skryf in Afrikaans, dis ‘n goeie gewoonte.
*ONTHOU SLEGS 2 INSKRYWINGS PER AFDELING PER LID ASB. ELKE LID MOET OOK ASB SY STERGRADERING VIR ONS DEURGEE AAN DIE BOKANT VAN SY/HAAR PUBLIKASIE ASOOK DIE WOORDETAL VAN JOU PUBLIKASIE INDIEN DIT NIE N GEDIG IS NIE
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
Maak 'n opvolg-bydrae
Jy moet aangemeld wees om 'n kommentaar te plaas.