Slaap
Slaap
As ek snags
op jou le en wag
soos ‘n minnaar
verlangend, soekend
smagtend dat jy kom…
Gedagtes reis oor verlede heen,
selfpraat, “Hoe kon jy?”
Verwyte- was so dom gewees,
beelde, aanklaerig-onthou tog!
Twyfel oor wat kon wees.
Ontwykend jou vlug,
dartelend, uitlokkerig-kom;
al grypend vang ek jou mis.
Jou flirtasie met my
horlosiesyfers wat aftik
naggeluide wat klank…
In donkerte omhul
liggaam wat roep na jou.
Omrol, rondtol, kombers stoei
tot vroee oggendskemer
huiwerend deurbreek
en lig opsteek.
2 Kommentare
-
Evelyn van der Merwe
Frustrasie en stoei met dit wat kon wees goed gepen hier.
Maak 'n opvolg-bydrae
Jy moet aangemeld wees om 'n kommentaar te plaas.
neels
Pragtig geskryf Manna ek hou baie hiervan