So ontsteld ……………., (oor ek nie kon sê nie)
Ek het deur die newels heen gehoor
toe dokter Schoeman sê;
“So jammer, Pine, my ou maat,
maar die gehoor is die laaste sintuig
om die lewe te laat,
heelwaarskynlik kan sy ons nou hoor,
dus kan jy maar vir oulaas jou liefde betuig,
vir oulaas jou hart teenoor haar oopmaak,
vir oulaas dalk om vergifnis pleit ……..
En toe jy dít
(waaroor ons al vir dertig jaar stry),
naamlik jou ontrouheid aan my
ja, jou diepe val vir daai rooikopflerrie
so tranerig bely,
was ek so ontsteld oor ek nie kon sê:
“jou vark! ek het jou dit mos al die jare gesê”,
ja, so ontsteld,
dat my asem my liggaam daar en dan verlaat het.
nog voordat ek jou,
jou sonde kon kwytskeld.
©Elizabeth Greef
6 Kommentare
-
-
Elizabeth Greef
Baie dankie, Anze
-
-
neels
puik geskryf. Harde woorde
-
Elizabeth Greef
Ja, ek wonder wwat hoor mense alles wat in 'n koma is en hoe voel hulle daaroor. Baie dankie vir die saamlees.
-
-
Koekekranka
Ai, Kelkiewyn, nie ietwat kras nie...? Die beste wat ek in 'n baie lang tyd onder oog gehad het oor 'a women scorned'!
-
Elizabeth Greef
Baie dankie vir saamlees KK, ja soos ek vir Neels geantwoord het, wonder ek wat hoor mense wat in 'n koma is alles, en hoe voel hulle in hul stomheid daaroor.
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
Puik Elizabeth