Sollievo (opdrag 8)
Undici
ʼn Undici is ʼn digvorm wat bestaan uit ʼn totaal van 3 strofes en 11 versreëls. Strofe 1 bestaan uit 3 versreëls en strofe 2 en 3 bestaan uit 4 versreëls. In die laaste strofe moet daar ʼn wending plaasvind. Daar moet een of ander vorm van personifikasie voorkom as ook die gebruik van natuurbeelde.
met weerlig in haar oë
kyk sy stip na die berge
die son dwalend op haar vel
op die kruin pluk sy ʼn ster
en bêre dit diep in haar hart
sy dra die maan en heelal
gelate op haar skouers
net voor die storm
het hy die wolkbreuk gekeer
en tussen sagte reëndruppels
die reënboog vir haar gaan haal
© nadia nagel
5 Kommentare
-
Loretta Szikra
Baie mooi Nadia. Ek hou baie hiervan.
-
nadianagel
Baie dankie Loretta :)
-
-
Elroux
Lieflik Nadia!
-
nadianagel
Dankie baie! 🌸
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, dankie vir jou deelname aan die Pendoring 2 / INK kompetisie