strandloper (Goud)
alleen iewers aan ‘n kus
sal die oseaan se meesleurende
brandergeruis my slape sus
net daar sal ek dig oor die
skaam klein krappe wat met water-terugtrek
blitsig sy-nael en woeps! in hul gaatjies terug
my verse sal bind met die
gewydheid van my kus-wandeling
sraks sal my verse vind
dat die seebries
die rymwoorde van my hart
…waarvan my mond oorloop…
swiep van my tong en
dit met die seesproei meng sodat
dit my siel se vensters deurdrenk en
my oë (net vir ‘n wyle) die laaste sê gun…
© Elmarie Nienaber Van Kampen, 2025
3 Kommentare
-
-
Elmarie Nienaber Van Kampen
Baie dankie Marlene, bly jy hou daarvan.
-
-
Anze
Pragtig, baie dankie vir jou bydrae vir NOVEMBER & DESEMBER 2025 – OOP projek
Maak 'n opvolg-bydrae
Jy moet aangemeld wees om 'n kommentaar te plaas.
Marlene Erasmus
Pragtig!