Swaarte (brons)

Brons

 

soos ‘n liefdevolle kind

omhels jy my daagliks

maar anders as ‘n drukkie

verstrengel jy my

 

jy kom lê op my in die oggend

só dat ek nie my dag kan begin

vasgekeer in my bed

bid ek elke dag om te kan begin

 

jy maak my laat

laat vir werk, laat vir amper als

want jy smoor my wilskrag

jy verhoed my om met enige iets te begin

 

jy ontneem my van vryheid

jy ontneem my van geluk

jy ontneem my van my passie

jy ontneem my van vrye beweging

 

jy verlam my op ‘n psigiese vlak

jy vervreem my van ander

want hoe moet ek jou beskryf

vir mense wat nie die swaarte kan sien nie

 

Jackie de Klerk