taalbewonderaar (Silwer)

wanneer afrikaans op my tong tintel

woorde weelderig en wellustig rinkink

in kleurvolle klank weerklink

verlustig ek my aan haar bestaan

wanneer afrikaans se tongvalritme

in lettergrepe kotteljons en tiekiedraai

van swierige nuanse tot kekkelkraai

verbly ek my oor haar bestaan

wanneer afrikaans haar stem verhef

deur boeiende beelde en neologisme

gebore uit toekomsvisie en patriotisme

verwonder ek my aan haar bestaan

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag