Taalstryd (Silwer)

Ag my waardig om saam
die gevegsfront te betree
luid standpunt in te neem
bewapen met helder denk
en vlymskerp benadering;
om onkruidakkers om te spit
met fyn ingestelde visier
weer ontvanklik te maak vir kwaliteit saad –
sodat ek in waagmoed
gedagtes sal ontkiem tot suiwer
spreektaal vir my nageslag.

Ag my waardig om saam
die stryd aan te voer met ‘pen en ink’.

©Driekie Grobler
(Intertekstualiteit) (Met erkenning aan die Ink Moderator se gedig “Plak my teen die linies” geplaas op Ink Skryf in Afrikaans se portaal)

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag