takel

 

deur storms en orkane het sy skip geseil

takelwerk soms in flarde geskeur

maar telkens in veilige hawe

steeds drywend vasgemeer

 

na baie pik en teer gekap en gesmeer

vaar herstelde seilskip uit op die seë

van grootse windbelaaide wêreld

oor berge deinende golwe

 

weer teen skemeraand terug te keer

vir goed teen hawehoof vas te meer

sy ou bagasie alles te ontlaai

finale aftakeling te begin

 

om lewensprobleme te takel is reg

jou storm en drang voluit te leef

uitdagings trompop te storm

so ook aftakelingsproses

 

om te takel of nie te takel bly jou keuse

om uit te rafel terwyl jy aftakel normaal

 

Ó Tearlach.

takel : Om aan te gryp; aan te val; bykom; stormloop. Om aan te durf; aanpak.

aftakel: Om af te breek (fisies of sielkundig).Om swakker te word en agteruit te gaan.Om ‘n skip se toue en katrolle af te haal.