Trane vir my Troebadoer (Silwer)

Die strate is stil sonder jou
êrens
op ‘n bankie in ‘n park
sit ‘n klein tortelduif alleen
sy jammerkoer eggo teen beton
eensame kantoormure
waarvan glasdeure
geslot en geketting is
spookpersoneel spartel
om kop bo water te hou
vasgevang
in ‘n ekonomiese virusvuis
wat alles wil versmoor
ook vir jou
jou stem is stil my troebadoer
jou plek op die bankie nou leeg
êrens
sak ‘n kis in ‘n nuwe graf
terwyl die tortelduifie
saggies huil

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag