Transkribeerder (silwer)

Transkribeerder

Alleen in die donkernag

vind sy die stilte waarna sy smag.

Drie verpligtingtjies op een bedjie sag

sal in droomland kommervry skaterlag.

Die hoftaal draal grof en gru en gutteraal.

Kras en kru klink die klankbaanverhaal

waarvoor hul R8,50 ‘n bladsy betaal.

En so haal sy maandeliks net-net die paal

(sy stroop haarself ampertjies kaal).

Sy tik, tik deurnag aan die wêreld se sleg …

sy tik toets vir toets háár onreg weg.

©ASvdMerwe

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag