Tydstryd
Tikkel tokkel stap tyd verby
verbrokkel die hede om jou en my
Ure word dae wat fragmenteer
maande en jare disintegreer
Donshael jare
vlieg soos bokhael verby
en passant nog ʼn dag
nog ʼn dekade opsy
Onder bouvalle van verlore tyd
lê goue geleenthede weggesmyt;
verbeurde kanse afgelag –
môre is mos nog ʼn dag
En wanneer tyd kom skertsend lag
omdat jy dit so nietig ag
dan wonder jy vol selfverwyt;
“hoe maak ek op, hoe wen ek tyd?”
©Loretta Szikra
3 Julie 2019
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Julie 2019 projek