Utopia (brons)

Utopia

Hulle sê dat die wêreld soos ons dit geken het, nou vir altyd anders gaan wees. Hoekom? Want sien – ʼn nare virus het uitgebreek! Dit het onverwags en ongevraagd in ons lewe ingesluip soos ʼn dief in die nag! Daar is verskeie teorie – oorsprong van die nare ding by ʼn nasie wat eet alles wat hulle wil – en ons ander laat gril, tot die skrikgedagte dat daar ʼn “maker” van hierdie ronde, monsteragtige bolletjie met tentakels is! Mensgemaak al dan nie – die gedagte bly vreesaanjaend! Ek wens dat ek kon wegglip uit die wrede werklikheid van kieme, siektes met hulle simptome en soms die uiteinde: die dood! Ek wens dat die wêreld weer kon wees soos dit was voor die sondeval, voor Eva vir die slang geluister het en Adam daarna vir haar! Daar waar ons vry kan asemhaal, waar ons drome vlerk kry en ons sweef soos arende op die wind. Dan sou ons in harmonie met mekaar kon saamleef sonder die ellende van ons tyd. Ons sou veilig wees om kaalvoet te loop sonder distels op ons pad, ons sou kon eet net wat ons wou – ons sou vry wees om te wees wat Hy ons wou …
©Marlene Erasmus
31/05/2020
(200 woorde)

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag