van eensaam na gemeensaam (SILWER)

van eensaam na gemeensaam

dit is die dertigste dag van Desember in Namibië
met wit wolke wat belowend oor ons kom waghou

ek sien nog talle mense wat skarrel in ʼn groot haas
vir oulaas gou nog inkopies doen om weereens
fees te vier – dit is immers mos môre Oujaar
is daar dan nog tyd vir mekaar – soek ons mekaar?
wyl sommige soos stomme skape versink in ʼn trans
hoor ek die helder stem van die Herder luid roep:
“Laat almal wat dors het, kom … “

mag ons samesyn beleef in die jaar wat kom
mag ons die taal van liefde praat – soos Hy
mag ons eensaam verander na gemeensaam …

©Marlene Erasmus
30/12/2022

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag