vloerkos op cloud 9 (Opdag 7)
sluip ons laatnag uit vir middernagfees
waar jy my saggies neervlei op kombers
loop stroompies witwarmwas uit bloedrooi kers
help my vergeet van egbreek en seerwees
jou camelstem weergalm eroties hees
strelende flirtasie druifkorrelpers
druppels hemeldou in psalm en vers
chef livine my smaakorgasme gees
ontbeende borsies is brosbruin getan
brie bessies en yskoue borrelwyn
lekstroop uit heuningkorf fluister lendetaal
alles op die agterseat van jou van
gly jou kwassie liggies oor rondings fyn
uit geurige soensag pruimsap gehaal
©arin erasmus
5 Kommentare
-
Anze
Pragtig, dankie vir jou deelname aan die Pendoring 2 / INK kompetisie
-
Elroux
Baie mooi Carin
-
Driekie
Mooi, Carin.
-
Alet
Pragtig geskryf.
Maak 'n opvolg-bydrae
Jy moet aangemeld wees om 'n kommentaar te plaas.
Callie Vermeulen
Pragtig gepen Carin!