Vrede vir jou …

Wanneer die lewe vir jou te veel word
en dit voel of alles in duie wil stort
as alles voel of dit net verkeerd gaan
en dat jy alleen op jou eie twee voete staan –
.
wens ek vir jou
die mooiste hemel blou
met die warmste sonstrale wat oor jou skyn
en dat jou probleme soos mis sal verdwyn
.
wens ek vir jou familie wat jou ondersteun
wat jou sal hoor roep as jy staan en huil in die reën
wat jou in liefde toe sal vou
en jou veilig in hul arms sal vashou
.
ek wens vrede vir jou siel
dat die lewe se storms jou nie verniel
ek wens vir jou kalmte in jou hart
sodat jy rustig op die lewenspad sal stap
.
ek wens vir jou dat God met jou sal wees
sodat jy nie die onbekende vrees
mag Hy saam met jou stap in die storms en wind
want jy is mos ‘n koningskind …
.
MC Marx (C)