vroue(dag)lag
so sit ek, ou man en lees
daar iewers in genesis twee
waar God die man uit stof maak
dink by myself, party seker by witsand
ander nader aan rivier waar swart turf lê
en dalk party meer in die woestynsand
waar die sand in hul se oë waai
hang nou van waar die wind
sy oorsprong gehad het
maar vriend laat
ek jou vertel
vind ek uit
die vrou
kom nie uit stof
modder of klei nie
sy kom uit adam se rib
so eintlik, is sy die enigste
wat uit iets gemaak was
wat reeds bestaan het
geen wonder sy is
so eie met my
©Teárlach.
Maak 'n opvolg-bydrae
Jy moet aangemeld wees om 'n kommentaar te plaas.