veldmusiek (silwer)

veldmusiek

saam met die voëls wat ’n môrelied sing
speel die veldorkes in harmonie
die blare ritsel ritmies saam
en maak die mooiste melodie

riviere neurie ’n vrolike wysie saam
as water kabbelend oor klippe gaan

berge weergalm hulle oeroue lied
bye zoem en die krieke kriek
die wind bring alles bymekaar
vir die suiwerste natuur-musiek

branders wat uitrol op die strand
crescendo die note oor die sand

wiegende bome en kartelende strome
is ’n koor van lewe, wild en vry
maar dit kan jy net waarlik hoor
as jy jou lyf daar buite kry

stap uit en laat jou sorge binne bly
luister na die konsert saam met my

©Hester Steenkamp

neologismes: veldmusiek: geluide van die veld
veldorkes: die klanke in die veld wat saam gehoor word

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag