Waar branders weerbarstig breek

teen rotsrand van die bou-bloue see;

sproei spattigspeel teen kliprots val

en terugtrek in die water se maal,

brekende golwe die wye strand bekruip;

klotsend teen die goue sand duik

om in skuimkomers weer saam te kom;

in die see as eenheid saam te drom.

So draai die lewe ook met my mensesiel

so waai hy my rond en los my verniel,

laat my dink ek het die stryd oorwin

dan gooi hy my weer in sy bose kring.

Vryheid kom met ‘n peperduur prys

dit is ongetwyfeld deur die eeue bewys.

Paula Paxton©

Voetnota ( Neologismes)

Spattigspeel – teen die rotse breek in vreugde

Skuimkombers – die skuim van die see lyk soos ‘n kombers