As ek swak is
Dikwels is ek sagte kruid;
so dikwels is jy rots.
So onvermybaar die gevolge
as plant teen klip sou bots.
Want steen verguis ‘n tengere
en dink daar nooit weer aan;
kruid buig laag, tel haar wonde –
moeisaam sal sy op moet staan.
Maar mettertyd word swakke sterker;
sy leer – haar broosheid is haar krag.
En dat een wat blom en vrug dra
(eindelik) veel meer
as ‘n reuse rots vermag.
© Carma Shaw
10 Junie 2018
13:30
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
Maak 'n opvolg-bydrae
Jy moet aangemeld wees om 'n kommentaar te plaas.