Welkom, Besoeker
Welkom, Besoeker

Titel: Winter In My Hart

Deur Woordsmous
Datum gepubliseer: 21 Junie 2019 Aantal woorde: 129 522 Kere gelees 8

Die winter het verby gegaan
en lente het gekom,
al die bome het nog steeds gebod
en selfs die rose het geblom,

stilweg het die somer sy plek ingeneem
met sonstrale wat alles voed,
die reën het op sy tyd gekom
en plek-plek was daar selfs ‘n vloed…

my oë het dit als aanskou
maar kon dit nie verstaan nie,
die lewe het net voortgtegaan
asof my pyn nie saak maak nie,

maar in my hart bly dit steeds winter,
en die ys vloei deur my are,
asof dit ‘n spieëlbeeld is
van die silwer in my hare

so volg die seisoene, een op die ander
en die jare kom en gaan
maar die winterwind waai koud
en op my wang verys die laaste traan…

©Anton Bosch 14/04/2019




TEMAS

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 118
Kommentaar telling: 42

Ek is 'n gebore Boerseun uit die ou Wes-Transvaal. Alhoewel ek die afgelope twaalf jaar in Ierland woon is ek steeds in murg en been en bloed 'n Afrikaner. Weens die liefde vir my taal het ek die pen opgeneem en dig hoofsaaklik in my Afrikaans. Ek is maar 'n groentjie in die digwêreld, het nog nooit 'n bundel gepubliseer nie, maar my passie vir Afrikaans sal sorg dat ek die pen nie weer neerlê voor ek my kop in finale rus neerlê nie. So, tot dan smous ek maar met my woorde...

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

0 Lid, 211 gaste aanlyn

Bydraes – Argief