Witvlagverlang

Sou jy dink ek is ‘n dromer as ek na vrede smag
as ek wens dat daar meer is wat ek sou kon vermag
om die wêreld beter na te laat vir wie dit nog moet vind
omdat drome nooit moet dof raak in die oë van ‘n kind?

Sou jy sê ek is ‘n dromer as ek sê dat ek verlang
na wit vlae wat aan uithoeke van die hele wêreld hang
na nasies sonder oorlog, waar mense veilig woon
sonder magsbehepte ringkoppe op hul korrupte troon?

Dalk ís ek net ‘n dromer met hoop wat in my brand
vir ‘n verwagting en ‘n toekoms in my eie vaderland
waar haat, misdaad en armoede
net maar herinnerings is …

is dit ‘n vergesogte droom vir hierdie realis?

©️Elize Kruger

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag