Woorde

Woorde

woorde maal in my kop
soos witwater branders
soos gekleurde wasgoed
wat bruis en spin
tarentaalspikkel wat vonkel
knetter en skree   betekenisse wat
kruiwawiele lankmoedig uitkerm
sokkies waarin voete vinnige treë trap

vierkantige woorde met
ronde vokale wat
soos arende sweef
op draaiwinde van taal
soms duidelik
soms onverstaanbaar
soms banaal

partymaal
as die huisgeraas my kop wattebol
sal my woorde
soos branders uitrol
soos wasgoed uitdroog
uitdrukkingloos droog en vaal

© Grootvissie
Junie 2018

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag