7 Mei
kyk hoe vlieg die duiwe voor Simonsberg verby;
kyk hoe blom die Bougainvillea
teen die grouste Meimaand lug
die wolke lyk so vreemd vandag
so anders as gewoon;
dit hang oor omber dakke
en oor my tuin (in Brackenfell) se boom
hoor hoe skree die kolgans en vlug by Simonsberg verby;
voel hoe val die eerste druppels
op die sewende van Mei
© Carma Shaw
7 Mei 2018
10:38
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
Maak 'n opvolg-bydrae
Jy moet aangemeld wees om 'n kommentaar te plaas.