Donkerkamer

moenie daar gaan nie stap verby
die donker kamer van seerkry
hou dit donker hou dit dig
draai dan om na die lig
as jou gedagtes soos ‘n moedswillige kind
wegkruip agter mure en jy haar onverwags vind
jy weer by die donkerkamer verby moet gaan
en die deur op ‘n skrefie oopgaan
die moedswillige kind jou lok om te kom speel
haar seerkry goed met jou te deel
draai jou rug
sluit die deur dig
bou die deur toe asof dit nooit daar was
verf die muur nuut met jou kwas
sê abrakadabra en jou lewe is reg
maar is die seerkry regtig weg?

OF HUIL DIT AGTER DONKER MURE