Dis nou
ek staan voor U in die skadu van my lewe
gestroop van alles – net ek Heer
in ootmoed buig my siel voor U neer
vou my toe in U genade, vergewe
doodskadu fluister in my oor
ek’s bang, alleen – onbekend
waarheen gaan U my siel versend
geen witbroodjies trek U voor
maar U het my by die naam geroep
uitverkore is ek in elke opsig
vou my toe…steek aan u genade lig
neem U hierdie sware wroeg
ek is ’n Koningskind – duur gekoop
neem U nou my hand
verstewing hierdie heilige band
voordat ek van nou na eendag loop
Opgedra aan Rina – 05/07/2010
Cornien
Om te skryf is my passie, vir 'n wyle ontvlug ek die gejaag. Kry ek 'n oomblik om te voel, te sien en weer te gee, skepping, harts taal - beleef ek die inner siel van my medemens.
Maak 'n opvolg-bydrae
Jy moet aangemeld wees om 'n kommentaar te plaas.