Ek ken dit maar net as Fudge

Ek ken dit maar net as “Fudge”

Woensdag het die wind lelik baklei met ons en landwyd sy woede en krag behoorlik ten toon gestel. Bome is plek plek omgewaai en ander is kaal uitgetrek en al wat oorgebly het is nou verlepte blare. Vandag … vandag is dit stil. Die wind het weer vrede gemaak met ons. Die son lyk vrolik vandag maar daar is geen piets en ons kry koud. Vandag is my “hairdo day”

Wanneer ek hare doen is ek ekstra mal oor my teetjie so saam met die hare wat gedoen word. Terwyl ek so sit en uitkyk na buite is die straat toneel mooi helder vandag en vertoon behoorlik soos ‘n olieverf skildery so deur die groot venster van die salon. Mens kan sien die winter is met ons. Hier en daar loop mense al met serpe so kleurvol en knussig om hul nekke. Die haarkapper se assistent nader my en vra “Would you like to have a cup of tea or a cup of coffee?” … “A cup of tea would be lovely, thank you” sê ek so op my mooiste Engels. “Milk with your tea?” vra sy. “Yes please” sê ek. “Do you take sugar or sweetner” vra sy. “one sugar please” sê ek … die koppies is groot, die dors is groot. “Would you like a biscuit or a tablet with your tea?” … Die salon is nie baie groot nie en die ses haarkapsters almal jonk en mooi staan soos sardientjies ingeryg langs mekaar. Die haardroëers skreeu op mekaar en dit klink amper soos ‘n kompetisie toe die haarkapster wat die dame se hare langs my droog blaas klink of dié sy hoogste A noot op die klawerbord geslaan het en terselfdertyd sy laaste asem ook uitblaas en hier sit ek … tydelik doof. … “Excuse me?” sê ek. “Would you like to have a biscuit or a tablet with your tea?” herhaal sy haarself. “Mmmm a biscuit or a tablet” … “Tablet?” …. Scottish Tablet … Ek ken dit maar net as Fudge ….

Kopiereg Liz Barnard (Phlipstoun, Skotland 2018)

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag