Bloed en wraak

Jongste aktiwiteit:

408 gesien

0hou van

Bloed wat syfer uit my kop
Voel God-verlaat… soos Job
In my bloed gestik
Bloedrooi, gestol, dik

‘n Hamer deur my voorruit …
Ek skrik vir elke geluid
Geslaan, gekoes,
Terug baklei, verwoes

Wat het nou weer gebeur… ek kan nie onthou?
Wapen op jou gerig gehou
Die skoot uit my geheue gesny,
Het ek eerder net gery

Ek verskree, ek argumenteer
My binneste voel verskeur
Nog ‘n sigaret, whisky, bier
Nog ‘n woede uitbarsting om die lewe te versuur

Paniekerig, angs, eet min,
Sirkel my lewe soos ‘n haai sonder ‘n vin
Trauma terug in my kop, weer en weer
Hoe kan ek dit keer?

Mense wat staan om sy lyk
Koeël uit my pistool, hy’t beswyk
My lyf styf gespan soos ‘n snaar
Skuldig, Kwaad, Angstig, Naar

In my binneste woed ‘n bom
Niks goeds kan hieruit kom,
Syfer uit my kop, die bloed…
‘n wraak sonder soet

(Paarrym)

Jy moet aangemeld wees om 'n kommentaar te plaas.

Jongste aktiwiteit: