Oorgawe in ekstase Silwer

ek verdrink in dieptes van blou safiere
wat kolkmaal en skuimend teen my aanslaan
met grypende vingers my aftrek na die donkerte
wat uitlokkend smeulend op my wag

ek verdwaal in jou doolhof van genot
terwyl honderdduisend musiekante tuimelende
crescendos witgolwend oor my uitspoel
my wese met dawerende applous vul

ek gee oor en smelt die laag van jare se seer
in stomende vulkaniese passie tot uitbarsting
terwyl die lawa van jou liefde die laaste
koue uit my winterlyf verdryf
smelt ons siele saam as een
terwyl die as nog smeulend oor ons lywe lê

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag