Hibernasie winter

Hibernasie winter

saggies het die winter kom lê
oor grasvelde spierwit versier
bome hul somerdrag afgeskud
tyd om te rus en net te wees

knus sit onder warm kombers
lekker groentesop in prutpot
eindelik tyd om boeke te lees
ag man, dis nou mos ‘n fees

hondelyfies styf teen my sy
snoete deur gaatjie vir asem
almal onder een kombers
tyd om geliefdes te koester

kom loer gerus in hier by my
hier in my hibernasie grot
warm sjokolade in bekers
hier word harte weer warm

©Marianne Buys
03 Junie 2021 07:42