Najaar

dis nie net die son wat láát opstaan nie
en vroeër na sy lêplek gaan nie
nie net die lower wat verkleur nie
in terloopse afskeid van hul fleur nie
dis nie net die koue wat bekruip nie
met die wingerdoes alreeds gekuip nie

die eerste tekens fluister klaar
hier’s meer as wat die oog gewaar

want ons jeug se loofkleur het getaan
ons kragte struikel oor ons waan
die broosheid het ons inkatrol
refleksie maak gemoedere vol

en langsaam koester ons die raad
gelouter soos ons roes gewaad

©️-cs-mei-2025-

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag