teen jou rug… (Goud)

…met my wang teen jou warm vel

was jy my dolos

wat my (soms) brose kuslyn

veilig kon hou teen brekende

lewensbranders

van hier kon ek die weerkaatsing sien

van jou siel, ingebed in myne

en rimpel-glimpse van mý

wat jou hele wese vol lê

wanneer ek nou vaskyk

teen die koudheid van jou rug

en die onverskilligheid van jou skouers

kan ek nie anders          as om

te verlang na hoe dit was nie…

© Elmarie Nienaber Van Kampen, 2025

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag