Eerste lig (Goud)

elke jaar kom lê
soos ’n skoon dagboek voor my,
bladsye bleekwit,
wagtend vir my hand

soms skryf ek,
soms krap of teken ek –
inkleur ek wat skeef begin,
versier wat myne wil wees

vroeë oggendlig
verdryf die donker,
skadu’s smelt
voor weerbegin

’n geleentheid
aan my gegun
om my lewensverhaal
weer oor te skryf

slaan ek my hand
aan my pen,
of kruip ek
dieper in my dop?

keuses
waarvoor ek moet staan
bepaal
my lewenspad

met nog ’n omwenteling
om die son,
kies ek
om die lewe aan te gryp

en voluit te lewe —
dag na dag …

©MarleneErasmus
30/01/2026

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag