gans

 

 

uit dieptes van verlede

kom liedjies lankal vergeet

oor koring gerwe en stroompies

waar water onderdeur bruggies spoel

om nooit weer terug te keer nie

 

gedagtes gans versonke

onder herinneringe van mooi

en dikwels ook traumatiese verlede

van bloed bevlekte gebeure uit oorloë

bedek onder lae politieke retoriek

 

om alles te kan herroep

onder ganse uitspansel van geheue

van dikwels verre lande en duister verlede

bring meestal net hernude pyn en lyding mee

verberg dus eerder die ganse verlede

 

van agter die ganse-gordyn

klink slegs die neurie-lied van samesyn

van makker lank reeds begrawe onder sandwoestyn

van hierdie kortstondige leeftyd, kleintyd en eindtyd

gans die heelal skreeu ten hemele in vredesstryd

 

© Tearlach.