Roggel-roep nostalgie
Gedagtes dwaal
daar waar jy in my
slote vorm
waar my denke draal
die sleepvoet steier
van emosies
jou saamtrek
na die afgrond
van my siele dood;
waar jy drentel
en voet vashaak val
in my elke dag se onthou –
nooit vergeet
vir altyd weet –
jy is die roggel-roep
van my oorleef
die mond-tot-mond
lewe gee
as my liggaam
siel en hart;
stop
so tree vir tree
waar jy hand omkeer
verander
soos die seesand
soos ’n brander
as ek regop sit
na ’n hartstilstand
toe ek na alles
ons nostalgie verpand.
Ch Nel Venter
Ek floreer op n vlak waar woorde en emosie ontmoet, hande vat en net daar en dan die Tango dans. Die lewe gooi soms skerp draaie met n mens, maar as jy aanhou dans skuif dit die fokus op die geskenke wat die lewe bring, nie die wonde nie. Skryf is my passie, daarom is ek hier.
2 Kommentare
-
Manna
Intense emosies agter die woorde.
Maak 'n opvolg-bydrae
Jy moet aangemeld wees om 'n kommentaar te plaas.
neels
Hou baie van hierdie een