aan jou my jongste seun…

opgedra aan my jongste..Duncan

gebore uit hartsverlang gebede

seuntjiekind ouerharte vol vrede

7 jaar vir jou gewag

appelwang bruinoog vol lag

 

liefielyfie wat drukkies uitdeel

roosbek wat natsoentjies steel

bottels vol goggas, klouter soos kees

mag die lewe jou genadig wees

 

sagte siel, ope gees

sien jy goed wat ander vrees

praat jy soms engele-tale

met lewelose dinge aan’t dwale

 

mannetjieskind van my

blondekop dimpelwang is jy

transformeer van seuntjie na man

poetsbakker as jy kan

 

graad 11 het ek ‘n donkerte gesien daal

het jy grondpad gevat en saggies verdwaal

iets het jou oogvonkel gesteel

niks meer vreugde gedeel

 

jou passievolle gees was verniel

permanente hartseer siel

stukkend gesny deur depressie

met tandknersende agressie

 

sielkundige en psigiatriese berading

rewire hulle jou bedrading

met ‘n handvol pille teen die pyn

begin jou lig weer te skyn

 

toe probeer die donkerte weer

in ‘n ongeluk kry jy seer

ons biddend voor jou bed

en God het jou gered

 

my kind, ons het jou afgebid

so ook vir engele op jou lewensrit

met trots kyk en na jou

en die lewe wat jy besig is om te bou

 

jy is die ritme van genade

standvastig is jou lewensdade

bid ek vir jou ‘n Godsvrou en nageslag

en ‘n altyd suksesvolle jag

 

©Carin Erasmus