Adonis

Adonis  (Brons)

Breebors het hy oor haar geleun

tot hy mond tot mond begin.

Die frisgeboude boereseun

en sy, die halfverdrinkte meermin.

Toe sy lewensredderlippe aan hare raak,

kon sy voel hoe die lewe in haar terugkeer,

maar dis eers toe sy haar oe oopmaak

dat sy werklik sy skoonheid kon waardeer.

Nou is dit sy wat fyntjies oor hom leun

en skielik maak niks vir haar meer sin.

Die eens frisgeboude boerseun

nou net ‘n geraamte en sy kragte uiters min.

Kanker het sy hele liggaam aangeraak,

geen hoop op genesing is daar meer,

maar dis eers toe hy sy oe toemaak

dat sy besef – haar Adonis is hy nie meer.

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag