Afrika

Êrens in my land:
Oranjerooi vlam die son asemwegslaanmooi oor ‘n rant se kant.
Afgeëts staan stil ʼn silhoeëtte onder ʼn doringboom …
STOP!
?
ʼn KOEDOE?
SWARTWITPENS?
ʼn RARE FONDS?

Êrens in my land:
Vuurrooi brand ʼn band, op ʼn pad, borrel swart rook in haat en woede.
Afgeëts dans jillende silhoeëtte met stokke en kieries …
STORM!!
?
Hongerte?
Werkloses?
Tsotsi’s?
Waarom tog nou weer?

Êrens in my land:
Wit kollig buisligte grys geboë koppe, denkend en peinsend.
Swart letters op wit papier skreeu BELEID en STRATEGIE …
BESPREEK!!!
?
werkskepping?
ekonomiese groei?
misdaad en korrupsie?

Dis maar net ʼn rooibok, niks besonders nie …
Dis maar net verveelde pionne, geen grondige klagtes nie …
Dis maar net ministers niks noemenswaardig te sê nie

Terwyl vlamrooi trane van kaal takke val
Terwyl vuurrooi tonge hout swart kleur
Terwyl berge papier vergete in argiewe vrot

Geniet iemand Afrika
Brand iemand Afrika
Ignoreer iemand Afrika

want

Oral in my land
is dit
net nog ʼn dag
in Afrika

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag