akoesties

my duin vervaag onder laag stof
suid-wester waai byna stormsterk
my see geluide verdwaal in die wind
loeiende, treurige, swiepende wind

oor my duin sweef geen meeu
die wat probeer sal gou gaan sit
sodra hul bo duin uitkom gooi wind
hul ver terug oor rasende golwe

my siel sweef teen winde op vandag
wat sy vlug met geweld wil teëstaan
herinneringe wil laat vervaag in mis
toekomsblik wil verknies in verdriet

klanke verdwyn in rukkende winde
kakofoniese verdoeseling van hede

©Teárlach