altyd Ulysses se Penelope (Silwer)

ek moet hier
wag
gekruisde bene
wag
die tyd uit
wag

wyl jy om die wêreld gaan
en leef –
vergeet dat
ek nog hier maar net
van uur tot uur
bestaan

jy’t my uitgesmyt
uit jou diepleef
uit

soos ‘n mooi trofee
voltooi ‘n los ornament
jou bestaansmonument
en word mee
weggedoen

sonder dat jy weet
of meelewend bou
aan die krag en diepte
van elk’ vergange stonde
se liefde
van jou vrou

© Charleine Collins 26 Februarie 2019

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag