argwaan

 

 

met tyd het verdenking

algemeen in volksgedagtes

tevoorskyn gekom

geen geskiedenis of filosofie

word meer opgeslurp, aanvaar

sonder hewige argwaan nie

selfs geloofsake en die Woord

is sedert neëntien vier en negentig

by die agterdeur uitgegooi, versaak

alles lyk soos ’n vrugteboord

wat skielik sonder versorging

sonder water of voedingstowwe

begin opkrimp in drakige karakter

van droë takke, verdroogde blare

sonder blom of vrug

die emansipasie

vanuit kindergelowigheid

na volwasse ongelowigheid

binne twee dekades voltooi

harte klop vinniger, breine werk oortyd

alles net gerig op tydelike rykdom en plesier

elke huishouding krimp na binêre bestaan

AI word die afgod, die hoeksteen, die altaar

alles lyk en word moontlik, sonder toerekenbaarheid

beweging teen kwantumspoed of gaan lê in die sloot

“luister tog na chatbot, vriend” sê die stemme

“want dit is die regte ding om te doen”

slagspreuk van die millenium

donker en dreigend

onder uit die

donkerste

sis

 

© Tearlach.