As die roessleutel draai
Klokslag elke keer
as goue sleutel draai
in die horingou slot
van twee deelharte
se diggeslote deur
voer dit my tower-mee
Soveel maal in gisters
meer as duisend keer
liefde daar gaan berg
edelsteen- gestoor
meer waardevol is dit
as kosbaar skittergoud
Meer male sonder tal
al is die roes-gleuf grof
reeds krakerig en oud
draai die tower-sleutel
kras-krakend en kleef
aan herinnering-gleuf
As eensaamheid roep
klap ek kosbaar’ kissie
versigtig, sagkens oop
tower-skitterlig straal
soos die wieg- deuntjie
slegs vir ons twee draal
Plaas dit spookhand-terug
tot wanneer ek weer
suutjies- tonetrippel
oor wolke-wasembrug
tot dan en dan alleen
is liefdeskis-nou versteen
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
6 Kommentare
-
-
Evelyn van der Merwe
Dankie vir die saamlees.
-
-
neels
Evelyn jy word net Al beter
-
Evelyn van der Merwe
Nederige dankie.
-
-
Viooltjie
hierdie gedig neem die leser saam na jou eie geheime herinneringsskatkis en maak mens nuuskierig om 'n kykie daarin te kry. ek dink dit is goed, die leser kan self besluit wat hy/sy daarbinne sien :-)
-
Evelyn van der Merwe
Jou inloer en saamlees word hoog op prys gestel.
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
baie mooi geskets