As die Skedelkus kon praat (Goud)
Op ‘n genadelose geraamtestrand
waar die Atlanties met dooigety
dramaties oor niemandsland druis
verstil beenwit geheime
(misterieus)
in vergrysde koue sand
terwyl die seewind sý aandeel daarin
in die nanag se stiltes onthul
met opbruisende verwyte
wat herwaarts en derwaats
oor die koperduine suis.
@ Loretta Szikra
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Maart 2023 OOP projek