atrofie

golwe trek ver terug
spring gety se laagwater
rotse lê oop gevlek
waterplante gestrek
skulpdiere skarrel rond
klein vissies in poele rond
stadig sterf sand tot droog
wag vir hoogwater
om weer te gebeur
bewegings droog op
soos bande snelweë verkrag
vlamme staan op
mense trek terug
dienste droog op
golwe van onluste neem toe
afsterf van eie vermoëns
verkrag deur eksterne inmenging
soos maan sy krag gebruik
om seë rond te sleep
so doen bose sy werk
deur mense as kanonvoer te stuur
kinders en jeug voor gedruk
soos golwe aangedryf deur wind
wat platval op strande van ons land
al wat môre oorbly
opdrifsels van geweld
koning sonder klere
koek-koek sonder vere

©Teárlach